https://arm.sputniknews.ru/20251223/qnnarkum-eghel-e-shiraki-marzpety-ir-pashtvonankutjan-masin-97170183.html
Քննարկում եղել է. Շիրակի մարզպետը` իր պաշտոնանկության մասին
Քննարկում եղել է. Շիրակի մարզպետը` իր պաշտոնանկության մասին
Sputnik Արմենիա
Դավիթ Առուշանյանի խոսքով` ինքը պաշտոնից կառչած չէ։ 23.12.2025, Sputnik Արմենիա
2025-12-23T16:18+0400
2025-12-23T16:18+0400
2025-12-23T16:18+0400
շիրակի մարզ
մարզպետ
դավիթ առուշանյան
ազատում
յոթ վերք եկեղեցի
https://cdn.am.sputniknews.ru/img/07e9/0c/17/97169240_0:0:1278:719_1920x0_80_0_0_2193381c589205dbb0c88b1fc9594abb.jpg
ԵՐԵՎԱՆ, 23 դեկտեմբերի – Sputnik. Շիրակի մարզպետ Դավիթ Առուշանյանը չհերքեց, որ «Քաղաքացիական պայմանագիր» կուսակցությունում քննարկվել է իր պաշտոնանկության հարցը։ Նա լրագրողների հետ զրույցում նշեց, որ քննարկում թեև եղել է, սակայն որոշում չկա։«Գիտեք, որ պատգամավորների թեկնածուների հետ վարչության անդամները հանդիպել են։ Որևէ որոշում այս պահին կայացված չէ, ես շարունակում եմ պաշտոնավարել։ Գուցե կային մարդիկ, որոնք ցանկություն ունեին, որ պաշտոնանկ արվեմ, դրա համար շատ արագ լուրեր տարածեցին, թե արդեն պաշտոնանկ եմ արվել»,– ասաց նա։Ինչ վերաբերում է հարցին, թե պաշտոնանկ արվելու հիմքում այն է, որ ՀՀ վարչապետ Նիկոլ Փաշինյանը դեկտեմբերի 7-ին Գյումրիի Սուրբ Յոթ Վերք եկեղեցում մասնակցած պատարագին հավաքված մարդկանց քանակից գոհ չէր, Առուշանյանը շեշտեց, որ ղեկավարությունն իրեն պատարագի մասին տեղյակ չի պահել։«Պատարագի կազմակերպման հետ մարզպետարանը որևէ առնչություն չունի. պատարագը կազմակերպվում է քահանաների կողմից։ Ամբողջ պատասխանատվությամբ ասում եմ՝ որևիցե մեկը ղեկավարությունից չի զանգել ինձ, ասել, թե պատարագ պիտի լինի, ու «խնդրում եմ՝ աջակցես» կամ «հանձնարարական կա, որ աջակցես այդ պատարագին»»,– ասաց նա։Հարցին՝ ճի՞շտ են այն լուրերը, թե դուք ՔՊ վարչության նիստում հարգալից եք արտահայտվել Գյումրու ընդդիմադիր քաղաքապետ Վարդան Ղուկասյանի մասին, ինչն էլ դարձել է բարկության պատճառ, բացի այդ՝ Նազելի Բաղդասարյանի միջոցով վարչապետը ձեզ հանձնարարական է տվել ազատվել պարեկ ծեծող խորհրդականից, որը չեք կատարել, Դավիթ Առուշանյանը պատասխանեց, թե իրեն նման հանձնարարական չի եղել։«Չի եղել որևէ հանձնարարական, և ոչ միայն հանձնարարական, այլ իմ նախաձեռնությամբ գործողություն, որ ես չեմ կատարել։ Իսկ ասեկոսեները քաղաքում շատ տարբեր են, բոլորն էլ լսել են, բայց ամենացավոտը ինձ համար Յոթ Վերքն էր, այդ օրը սգո օր էր, ու դա ընդհանրապես իրականությանը չէր համապատասխանում։ Մնացած քննարկումները գուցե և մասամբ կապ ունեն իրականության հետ, ինչ-որ նշույլ ունեն, բայց որպես այդպիսին՝ դետալները շատ են ուռճացված»,– շարունակեց նա։Շիրակի մարզպետը վստահեցրեց, որ քաղաքական առումով թիմի հետ որևէ տարաձայնություն չունի։ Միևնույն ժամանակ շեշտեց, որ ինքը երբեք պաշտոնից կառչած չէ։
շիրակի մարզ
2025
Լուրեր
am_HY
https://cdn.am.sputniknews.ru/img/07e9/0c/17/97169240_120:0:1079:719_1920x0_80_0_0_aa2a747f177697f0aac477eb33c9d0b1.jpg
շիրակի մարզ, մարզպետ, դավիթ առուշանյան, ազատում, յոթ վերք եկեղեցի
շիրակի մարզ, մարզպետ, դավիթ առուշանյան, ազատում, յոթ վերք եկեղեցի
Դավիթ Առուշանյանի խոսքով` ինքը պաշտոնից կառչած չէ։
ԵՐԵՎԱՆ, 23 դեկտեմբերի – Sputnik. Շիրակի մարզպետ Դավիթ Առուշանյանը չհերքեց, որ «Քաղաքացիական պայմանագիր» կուսակցությունում քննարկվել է իր պաշտոնանկության հարցը։ Նա լրագրողների հետ զրույցում նշեց, որ քննարկում թեև եղել է, սակայն որոշում չկա։
«Գիտեք, որ պատգամավորների թեկնածուների հետ վարչության անդամները հանդիպել են։ Որևէ որոշում այս պահին կայացված չէ, ես շարունակում եմ պաշտոնավարել։ Գուցե կային մարդիկ, որոնք ցանկություն ունեին, որ պաշտոնանկ արվեմ, դրա համար շատ արագ լուրեր տարածեցին, թե արդեն պաշտոնանկ եմ արվել»,– ասաց նա։
Ինչ վերաբերում է հարցին, թե պաշտոնանկ արվելու հիմքում այն է, որ ՀՀ վարչապետ Նիկոլ Փաշինյանը դեկտեմբերի 7-ին Գյումրիի Սուրբ Յոթ Վերք եկեղեցում մասնակցած պատարագին հավաքված մարդկանց քանակից գոհ չէր, Առուշանյանը շեշտեց, որ ղեկավարությունն իրեն պատարագի մասին տեղյակ չի պահել։
«Պատարագի կազմակերպման հետ մարզպետարանը որևէ առնչություն չունի. պատարագը կազմակերպվում է քահանաների կողմից։ Ամբողջ պատասխանատվությամբ ասում եմ՝ որևիցե մեկը ղեկավարությունից չի զանգել ինձ, ասել, թե պատարագ պիտի լինի, ու «խնդրում եմ՝ աջակցես» կամ «հանձնարարական կա, որ աջակցես այդ պատարագին»»,– ասաց նա։
Հարցին՝ ճի՞շտ են այն լուրերը, թե դուք ՔՊ վարչության նիստում հարգալից եք արտահայտվել Գյումրու ընդդիմադիր քաղաքապետ Վարդան Ղուկասյանի մասին, ինչն էլ դարձել է բարկության պատճառ, բացի այդ՝ Նազելի Բաղդասարյանի միջոցով վարչապետը ձեզ հանձնարարական է տվել ազատվել պարեկ ծեծող խորհրդականից, որը չեք կատարել, Դավիթ Առուշանյանը պատասխանեց, թե իրեն նման հանձնարարական չի եղել։
«Չի եղել որևէ հանձնարարական, և ոչ միայն հանձնարարական, այլ իմ նախաձեռնությամբ գործողություն, որ ես չեմ կատարել։ Իսկ ասեկոսեները քաղաքում շատ տարբեր են, բոլորն էլ լսել են, բայց ամենացավոտը ինձ համար Յոթ Վերքն էր, այդ օրը սգո օր էր, ու դա ընդհանրապես իրականությանը չէր համապատասխանում։ Մնացած քննարկումները գուցե և մասամբ կապ ունեն իրականության հետ, ինչ-որ նշույլ ունեն, բայց որպես այդպիսին՝ դետալները շատ են ուռճացված»,– շարունակեց նա։
Շիրակի մարզպետը վստահեցրեց, որ քաղաքական առումով թիմի հետ որևէ տարաձայնություն չունի։ Միևնույն ժամանակ շեշտեց, որ ինքը երբեք պաշտոնից կառչած չէ։