Նիգերիայի Սուրբ Մարիամի կաթոլիկական գիշերօթիկ դպրոցի ևս 130 աշակերտ ազատ է արձակվել։ Նոյեմբերի վերջին զինյալների կողմից առևանգվել էր 303 աշակերտ։
Ազատ արձակված 130 երեխաները գերության մեջ գտնվող վերջին աշակերտներն են, ըստ Նիգերիայի նախագահի խոսնակ Սանդեյ Դարայի հայտարարության։
«Նիգեր նահանգում առևանգված ևս 130 աշակերտ ազատ է արձակվել։ Ոչ ոք գերության մեջ չի մնում», — ասված է X-ի էջում արված հայտարարության մեջ։ Գրառման մեջ չեն բացահայտվել դպրոցականների ազատ արձակման մանրամասները։
Նոյեմբերի 22-ին Նիգերիայի քրիստոնյաների ասոցիացիան հայտնել է Նիգեր նահանգի Պապիրի քաղաքի Սուրբ Մարիամի գիշերօթիկ դպրոցի 303 աշակերտի և 12 ուսուցչի առևանգման մասին։