Ավելի քան հինգ տարվա աշխատանքի արդյունքում երկմասանոց կենսագրական «De Gaulle» ֆիլմը՝ նվիրված Շառլ դը Գոլին, վերջապես ֆրանսիական մեծ էկրաններ կբարձրանա 2026 թ-ին։
Pathé կինոընկերությունը ներկայացրել է նախագծի առաջին պաշտոնական կադրերն ու թիզերը՝ այն անվանելով իր պատմության մեջ ամենահավակնոտը։
Ֆրանսիայի 18-րդ նախագահին կմարմնավորի ֆրանսիահայ դերասան Սիմոն Աբգարյանը:
Ֆիլմի ռեժիսորն է Անտոնեն Բոդրին:
Նախագիծը բնութագրվում է՝ որպես «պատմական սագա և աշխարհաքաղաքական թրիլեր»։ Ֆիլմը հանդիսատեսին վերադարձնում է Երկրորդ համաշխարհային պատերազմի վճռորոշ դրվագներին՝ գեներալ դը Գոլի և նրանց աչքերով, ովքեր հրաժարվեցին հանձնվել այն պահին, երբ Ֆրանսիան քայքայվում էր։
Ֆիլմը նաև ուսումնասիրում է դը Գոլի բարդ հարաբերությունները Ուինսթոն Չերչիլի հետ, ում մարմնավորում է Սայմոն Ռասել Բիլը։
Սիմոն Աբգարյանը ֆրանսահայ դերասան, դրամատուրգ և ռեժիսոր է, ծնված 1962 թվականին Ֆրանսիայում՝ հայ գաղթականների ընտանիքում։ Երիտասարդության մի մասն անցկացրել է Լիբանանում, ապա վերադարձել Ֆրանսիա և սկսել թատերական կարիերա, այդ թվում՝ ավանգարդային Théâtre du Soleil թատերախմբում, որտեղ ձևավորվել է նրա ճանաչելի դերասանական ոճը։