Շուտով Ամանոր է, և Oragir.News-ը շրջել է Երևանի փողոցներով՝ պարզելու համար, թե քաղաքացիներն արդյո՞ք սպասում են Ամանորին և ի՞նչ ակնկալիքներ ունեն։
Պարզվեց՝ մարդկանց մեծ մասը սպասում է և նույն ցանկությունն ունի՝ խաղաղություն, բայց տարբեր ձևակերպումներով։
Մի կին ասաց․ «Սպասում ենք, որ ուրախություն լինի, լավ լինի մեզ՝ արցախցիներիս համար»։
Երեխաներից մեկը ոգևորված պատմեց․ «Գրել եմ նամակ, Կարոյի «հուդիից» եմ ուզում»։
Կային նաև մարդիկ, որոնց համար տոնական տրամադրություն պարզապես չկար։
Մի կին հարցը լսելուց հետո միայն հառաչեց՝ օ՜ֆ, առանց որևէ այլ մեկնաբանության։
Oragir.News-ը հանդիպեց նաև Ձմեռ պապիկին, ով խոստացավ․ «Մարդիկ ինչ ցանկանան՝ բերելու եմ։ Խաղաղություն, առողջություն… իսկ երեխաները ինչ ուզում են՝ Ձմեռ պապիկը դնում է կամ տոնածառի տակ, կամ բարձի տակ»։
Մեկ տղամարդ ասաց․ «Հա, սպասում ենք, բայց քանի էս իշխանությունն ա, ոչ մի բան չի փոխվի»,- ասաց նա։
Մի կին Ամանորից ակնկալում էր մեծ փոփոխություններ․ «Սպասում ենք, որ հրեղեն ձին գա, ու ամեն ինչ շատ լավ լինի մեր ժողովրդի համար»։
Մանրամասները՝ տեսանյութում։