ԱՄՆ զինված ուժերը հարվածներ են հասցրել Սիրիայում «Իսլամական պետության» տասնյակ թիրախների՝ ի պատասխան Պալմիրայի մոտակայքում սիրիական-ամերիկյան պարեկախմբի վրա զինյալների հարձակման, որի հետևանքով զոհվել էր երեք ամերիկացի, հաղորդում է ABC News-ը։
ԱՄՆ պաշտպանության նախարար Փիթ Հեգսեթը X-ի իր էջում գրել է, որ «Բազե հարված» գործողության շրջանակներում հարվածները թիրախավորել են «Իսլամական պետության» զինյալներին, ենթակառուցվածքներին և զենքի օբյեկտներին։ Նա նշել է, որ գործողությունը նախատեսված է որպես պատասխան գործողություն և չի նշանավորում նոր պատերազմի սկիզբ։
Նախկինում նա Սպիտակ տանը հյուրընկալել էր Սիրիայի ժամանակավոր նախագահ Ահմեդ ալ-Շարաային, որից հետո Սիրիան միացել էր «Իսլամական պետության» դեմ պայքարող միջազգային կոալիցիային։
Դեկտեմբերի 13-ին Սիրիայի Պալմիրայում ամերիկյան և սիրիական զորքերի համատեղ շարասյան վրա հարձակման հետևանքով սպանվել էին երկու ամերիկացի զինծառայող և թարգմանիչ։ Սիրիայի նախկին նախագահ Բաշար ալ-Ասադի տապալումից հետո սա առաջին նմանատիպ միջադեպն էր։
Վերջին ամիսներին ԱՄՆ գլխավորած կոալիցիան ակտիվացրել է ավիահարվածները և ցամաքային գործողությունները Սիրիայում, հաճախ՝ սիրիական անվտանգության ուժերի հետ համատեղ։ Նախորդ ամիս Սիրիայի իշխանությունները ձերբակալել էին ավելի քան 70 մարդու՝ մեղադրվելով «Իսլամական պետության» հետ կապերի մեջ։
