WFSB-ի հաղորդմամբ՝ Քոնեքթիքութից երաժշտության նախկին ուսուցչուհին խոստովանել է, որ գայթակղելո է անչափահաս աշակերտին։
Տուժածը ծնողներին պատմել է միջադեպի մասին, երբ լրացել է 25 տարեկանը։ Ընտանիքը դիմել է ոստիկանություն։ Հետաքննիչների տվյալներով՝ երաժշտության ուսուցչուհի Սիարա Պիկարդը սկսել է սեռական ոտնձգություններ կատարել աշակերտի նկատմամբ, երբ նա 14 տարեկան էր։ Նրանց միջև հարաբերությունները տևել են մոտ երեք տարի։
Այս տարվա օգոստոսին կինը առաջին անգամ հարցաքննվել է։ Սկզբում նա հերքել է մեղադրանքները, բայց ավելի ուշ խոստովանել է, որ ճանաչել է նախկին աշակերտին և որ իրենց հարաբերությունները ժամանակի ընթացքում «չափազանց ակնհայտ» են դարձել։ Սակայն նա պնդել է, որ նրա հետ մտերմացել է միայն քոլեջ ընդունվելուց հետո։
Դեկտեմբերի սկզբին Պիկարդը կամավոր հանձնվել է ոստիկանությանը։ Նրան մեղադրանք է առաջադրվել անչափահասի հետ սեռական հարաբերությունների հինգ դեպքի համար։ Նախկին ուսուցչուհին ազատ է արձակվել գրավի դիմաց։ Նրա գործով առաջին դատական նիստը նշանակված է դեկտեմբերի 16-ին։