Արագածոտնի մարզպետի տեղակալ Միլադա Հովհաննիսյանը, մարզպետի աշխատակազմի ղեկավար կազմի ներկայացուցիչների հետ միասին հանդիպումներ է ունեցել գյուղատնտեսական ոլորտի պետական օժանդակության ծրագրերի շահառու դարձած մի քանի գործարարների հետ։
Առաջին հանդիպումը եղել է Աշտարակի «Դրիմ Ռոս Հաուս» վարդերի ջերմատանը, որի հիմնադիրն օգտվել է «Հայաստանի Հանրապետությունում ջերմատնային տնտեսությունների զարգացման աջակցության ծրագրից»։
Հաջորդ կանգառը Աշտարակում գործող նորաբաց «Արագած» գինու և կոնյակի գործարանն է եղել, որի հիմնադիրը «Հայաստանի Հանրապետությունում ագրոպարենային ոլորտի սարքավորումների լիզինգի աջակցության ծրագրի» շահառու է։
Այցն ամփոփվել է Սասունիկում այս տարի հիմնված սպանդանոցում, որը դարձել է «Սպանդանոցների կողմից մատուցվող խոշոր եղջերավոր կենդանիների սպանդի ծառայության վճարի մասնակի փոխհատուցման ծրագրի» շահառու։
Շրջայցի և գործարարնրի հետ զրույցում Միլադա Հովհաննիսյանը հետաքրքրվել է արտադրական ծավալներով, բիզնեսը զարգացնելու հեռանկարներով, առկա խնդիրներով։
Այցերը շարունակական են։