ԵՐԵՎԱՆ, ԴԵԿՏԵՄԲԵՐԻ 11, 24News
Արշավ է, Արցախի ներկայացուցչության շենքն ուզում են խլել, եկել, բանկերի հետ կապված թուղթ են փնտրում։ Այս մասին լրագրողների հետ զրույցում ասաց փաստաբան Ռոման Երիցյանը։
Հիշեցնենք՝ Արցախի ներկայացուցչությունում, արցախցիների վերադարձին վերաբերվող խորհրդարանական լսումներից մեկ օր անց` այսօր, Քննչական կոմիտեն ներկայացուցչությունում խուզարկություններ է իրականացնում։
«Քրեական վարույթը, որի շրջանակներում այս պահին Արցախի ներկայացուցչությունում իրականացվում է խուզարկություն գործողությունը նախաձեռնվել է 2025 թվականի հունիս ամսին։ Այն կապված է ենթադրյալ տնտեսական հանցագործության հետ: Խոսքը վերաբերվում է կոնկրետ իրավաբանական անձի և Հայաստանում գործող բանկի միջև կնքված վարկային պայմանագրի շրջանակներում Արցախի ներդրումային հիմնադրամի կողմից ցեսիայի պայմանագիր կնքելու հետ»,- ասաց նա։
Փաստաբանի խոսքով, բացահայտ հանցագործության տարրեր չկան, և մինչ այս պահը չեն գտել մի փաստաթուղթ, որ այդ գործի հետ կապ ունի։
Մանրամասները՝ տեսանյութում։
–00—ՅՄ