Վրաստանի մունիցիպալ զարգացման հիմնադրամը մրցույթ է հայտարարել Թբիլիսիի Չուգուրեթի շրջանում «կառավարական քաղաքի» գլխավոր հատակագծի և նախնական նախագծերի պատրաստման համար։
Նախագիծը նախատեսում է քաղաքի կառուցում, որտեղ կտեղակայվեն կառավարական գործակալությունները։ Տարածքում կտեղակայվեն բոլոր նախարարությունների շենքերը, Թբիլիսիի քաղաքապետարանը և դրանց աշխատանքը ապահովող օժանդակ շենքեր և շինություններ։ Այն քաղաքի մնացած հատվածից կսահամանզատվի ցանկապատով։
«Նախագծի հիմնական նպատակն է բարելավել հանրային ծառայությունների մատչելիությունը և ստեղծել ժամանակակից, միասնական և կայուն տարածք, որը լիովին կինտեգրվի մայրաքաղաքի նախագծային կառուցվածքին։
Գոյություն ունեցող տարածքը պետք է մշակվի այնպես, որ դառնա քաղաքի անբաժանելի մասը և նպաստի պետական և հանրային ծառայությունների մատուցման բարելավմանը, միջգերատեսչական համակարգման ամրապնդմանը և օպտիմալացմանը, ինչպես նաև պետական և հանրային միջոցառումների կազմակերպմանն ու սահուն անցկացմանը», – նշվում է նախագծի փաստաթղթում։