Ինչպես չխելագարվել Ամանորից առաջ. 10 քայլ՝ դեպի հանգիստ տոն

ԵՐԵՎԱՆ, 10 դեկտեմբեր․/Նովոստի-Արմենիա/.   Դեկտեմբերը միաժամանակ և՛ տոն է, և՛ մինի-ապոկալիպսիս նյարդային համակարգի համար։ Մենք ուզում ենք միանգամից ամեն ինչ հասցնել. աշխատանք, ֆինանսներ, նվերներ, մաքրություն, ապագայի պլաններ, հարազատների հետ հանդիպումներ, տոնածառ, տարվա ամփոփում, նոր նպատակներ…

Որպեսզի 2026 թվականը չդիմավորեք սպառված վիճակում և քարտի վրա բացասական մնացորդով, «Նովոստի-Արմենիա» գործակալությունն առաջարկում է 10 կարևոր քայլ, որոնք կօգնեն կարգի բերել կյանքը (և գլուխը) առանց սթրեսի և գերհոգնածության:

1. Որոշեք, թե ում հետ և որտեղ նշել Նոր տարին

Սա կարող է աննշան թվալ, բայց հենց այս հարցն է դեկտեմբերի 28–30-ին քաոսի աղբյուր դառնում:

Նախօրոք որոշեք.

-Ընտանիքի՞ հետ, թե՞ ընկերների։

-Քաղաքո՞ւմ, թե՞ քաղաքից դուրս։

-Հանգի՞ստ երեկո, թե՞ աղմկոտ միջավայրում։

-Միայնա՞կ, թե՞ ընկերակցությամբ։

Եթե չգիտեք, թե որտեղ՝ ընտրեք ոչ թե իդեալական, այլ իրատեսական տարբերակը։

2. Կազմեք տոների բյուջեն

Տոնը պարտքերի մեջ մտնելու պատճառ չէ։ Հաշվարկեք.

-Որքա՞ն կարելի է ծախսել նվերների վրա (ընդհանուր);

-Որքա՞ն՝ սեղանի, զարդարանքների, ժամանցի վրա;

-Արդյո՞ք կա պահուստային գումար ֆորս մաժորային դեպքերի համար։

Լավ լայֆհաք. սահմանափակում դրեք յուրաքանչյուր բլոկի համար: Օրինակ՝ նվերներ՝ 15000-20000 դրամ, սնունդ՝ 40000-50000 դրամ, դեկոր և զվարճանք՝ 10000-15000 դրամ։ Օգտագործեք աղյուսակ կամ ֆինանսական հավելված, հունվարը Ձեզ շնորհակալություն կհայտնի։

3. Կազմեք նվերների ցանկ և կրճատեք այն

Մենք հաճախ ուզում ենք «բոլորին մի փոքր» տալ և վերջում մնում ենք դատարկ դրամապանակով։

Ստուգեք Ձեր ցանկը.

– Ո՞ւմ է իրականում անհրաժեշտ նվերը։

– Ի՞նչ կարող եք պատրաստել ինքներդ կամ սիրով։

Այլընտրանքներ՝ համատեղ պատրաստված նվերներ, բաժանորդագրություններ, տպավորություններ, տեղական արհեստավորների իրեր։

4. Նշանակեք մաքրության և ավելորդ իրերից ազատվելու օր

Սա «Նոր տարվա ապոկալիպսիս» չէ, այլ պարզապես մի օր՝ կարգ ու կանոն հաստատելու համար.

– Դեն նետեք ավելորդ իրերը.

– Տեղ ազատեք Ձեր հեռախոսի և համակարգչի վրա.

– Կարգի բերեք հին փաստաթղթերը.

– Դասավորեք հագուստը, սպասքը և խաղալիքները.

Այս ամենն արեք Ձեր սիրելի ամանորյա երգացանկը կամ ֆիլմը լսելիս. դա հիանալի կլինի։

5. Պլանավորեք մի օր, որը կլինի միայն Ձեզ համար

Դեկտեմբերին ողջ ժամանակն ու էներգիան սովորաբար ծախսվում են ուրիշների վրա: Ավելացրեք օրացույցում մեկ օր, որը կլինի միայն Ձերը. զբոսանք, մոմերով լոգանք, ամանորյա երգացանկ, նոր նոթատետր, սպա, կինո, թխվածք: Մի հետաձգեք ինքներդ Ձեր մասին հոգ տանելը մինչև հունվար։

6. Մարեք պարտքերն ու պարտավորությունները

Ցուցակներ, պարտքեր, «հետո կզբաղվեմ դրանով». ժամանակն է մարել դրանցից գոնե մի քանիսը։ Ոչ բոլորը, բայց գոնե՝

– պատասխանել էլեկտրոնային նամակներին.

– վճարել տուգանքները.

– կարգի բերել 5 բան, որոնք հետաձգվել են։

1–2 մարված «պարտք» կարող է ավելի շատ թեթևություն պատճառել, քան արձակուրդը։

7. Կատարեք «թվային մաքրություն»

Կարգի բերեք Ձեր հեռախոսն ու գլուխը։

– Հրաժարվեք անպետք լրատուներից։

– Մաքրեք ձեր էլեկտրոնային փոստը։

– Ջնջեք ավելորդ հավելվածները։

– Հրաժարվեք անծանոթ «տարեվերջյան իդեալական հաշվետվություններից»։

Ավելի քիչ աղմուկ և ավելի շատ ուշադրություն՝ Ձեր և մտերիմների նկատմամբ։

Պետք չէ Instagram-ում կամ Facebook-ում հրապարակել «100 ձեռքբերումներ»: Արեք դա Ձեզ համար: Ի՞նչը ստացվեց: Ինչո՞վ եմ հպարտ: Ի՞նչ եմ ուզում թողնել 2025 թվականում: Ի՞նչ սովորեցի: Կարելի է գրել նոթատետրում, Telegram ալիքում կամ պարզապես պատմել ընկերոջը:

8. Ամփոփեք տարին առանց ավելորդ խոսքերի կամ սթրեսի։

Պետք չէ Instagram-ում կամ Facebook-ում հրապարակել «100 ձեռքբերումներ»: Արեք դա Ձեր համար:

-Ի՞նչը ստացվեց:

-Ինչո՞վ եմ հպարտանում։

-Ի՞նչ եմ ուզում թողնել 2025 թվականում:

-Ի՞նչ սովորեցի:

Կարելի է գրել նոթատետրում, Telegram ալիքում կամ պարզապես պատմել ընկերոջը:

9. 2026 թվականի համար պլանավորեք 3-5 նպատակ

50 կետի փոխարեն գրեք 3-5 իրական նպատակ։ Նպատակը պետք է լինի կոնկրետ, չափելի, հասանելի և ունենա վերջնաժամկետ։

Օրինակ՝

– «Ես կբացեմ բրոքերային հաշիվ և կներդնեմ 10,000 դրամ մինչև հունվարի վերջը»։

10. Շունչ քաշեք և թույլ տվեք Ձեզ լինել  ոչ կատարյալ

Ամենակարևորը՝ մի փորձեք ստեղծել կատարյալ տոն։ Դա Ձեզ պետք չէ։

Ձեզ պետք է ջերմություն, հոգատարություն և այն զգացողությունը, որ Դուք ինչ-որ լավ բան եք արել Ձեզ համար։ Նույնիսկ եթե դա լինի պարզապես կեքս և Ձեր սիրելի ֆիլմը դեկտեմբերի 31-ի երեկոյան։

Վերջաբանի փոխարեն

Այն ամենը, ինչ Դուք չհասցնեք անել, կարելի է անել հունվարին։ Իսկ տոնը պարտադրանք չէ, այլ վիճակ։ Զգացեք Ձեզ հարմարավետ։

Նյութը պատրաստվել է ԱՄԻ «Նովոստի–Արմենիա»– ի և ՀՀ կենտրոնական բանկի Սպառողների զորակցման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում։