Հայաստանի ազգային հավաքականի նախկին հարձակվող Սարգիս Ադամյանը հերթական արդյունավետ հանդիպումն է անցկացրել գերմանական «Քյոլնի» երկրորդ թիմի կազմում։
Գերմանիայի Ռեգիոնալ լիգայի (չորրորդ դիվիզիոն) հերթական տուրում «Այծերը» սեփական խաղադաշտում 3։2 հաշվով հաղթել են «Բոխոլտին»։ 32-ամյա Ադամյանը կատարել է 2 գոլային փոխանցում։
Ռեգիոնալ լիգայի ընթացիկ մրցաշրջանում հայ ֆուտբոլիստը մասնակցել է 12 հանդիպման, դարձել 6 գոլի ու 7 գոլային փոխանցման հեղինակ։
Հիշեցնենք, որ «Քյոլն» վերադառնալուց հետո Սարգիս Ադամյանը դեռ հանդիպման չի մասնակցել գլխավոր թիմի կազմում։