«Մանչեսթեր Սիթին» հետաքրքրություն է ցուցաբերել «Արսենալի» անգլիացի աջ պաշտպան Բեն Ուայթի նկատմամբ։ Այս մասին հայտնում է TEAMtalk-ը։
Աղբյուրի տեղեկություններով՝ «զինագործները» անմիջապես հրաժարվել են մրցակցի հետ քննարկել 28-ամյա ֆուտբոլիստի տրանսֆերը, որը այս մրցաշրջանում կորցրել է տեղը մեկնարկային կազմում։
Լոնդոնյան գրանդի ղեկավարությունը հստակեցրել է, որ անգլիացին չի վաճառվում։ Նույն պատասխանն են ստացել նաև «Կոմոն», «Մարսելը» և Մադրիդի «Ատլետիկոն», որոնք ևս հետաքրքրված էին ֆուտբոլիստով։
Transfermarkt-ը Բեն Ուայթի տրանսֆերային արժեքը գնահատում է 38 միլիոն եվրո, իսկ պաշտպանի գործող պայմանագիրը «Արսենալի» հետ նախատեսված է մինչև 2028 թվականը։