Հայաստանը հաղթանակով է մեկնարկում Դուբայում ընթացող բռնցքամարտի աշխարհի առաջնությունում
ԵՐԵՎԱՆ, 5 դեկտեմբերի․/Նովոստի–Արմենիա/․ Հայաստանը հաղթանակով է մեկնարկում Դուբայում ընթացող բռնցքամարտի աշխարհի առաջնությունում։
71 կգ քաշային Արարատ Հարությունյանը իր մեկնարկային մենամարտում շատ վստահ առավելության հասավ Ինդոնեզիայի ներկայացուցիչ Ալֆինո Ցեզարի նկատմամբ, հայտնել է Հայաստանի բռնցքամարտի ֆեդերացիան։
Մարզիկը բոլոր ռաունդներում գերազանց է գործել, իսկ 3-րդ ռաունդում նույնիսկ նոկդաունի ենթարկել մրցակցին։
Հաղթանակ կշնորհվի նաև Վախթանգ Հարութունյանին և Նարեկ Մանասյանին, որոնց մրցակիցները կշռման արարողության ժամանակ ավել քաշի պատճառով չեն համապատասխանել քաշային կարգին։
Նշենք, որ բռնցքամարտի աշխարհի առաջնության 2-րդ մրցումային օրը Հայաստանն ունի 3 ներկայացուցիչ։ Ռինգ դուրս կգան Հովհաննես Բաչկովը, Արմեն Մաշակարյանը և Արտուշ Հովհաննիսյանը։
