Հոլիվուդյան դերասան Ուիլ Սմիթի նախկին կնոջ՝ Ջադա Փինքեթ Սմիթի դեմ դատական հայց է ներկայացվել։ Ուիլի նախկին ընկերը՝ Բիլալ Սալամը, հայտնել է, որ Ջադան կազմակերպել է իր դեմ ուղղված նպատակային զրպարտչական արշավ։
Սալամի խոսքով՝ կոնֆլիկտը սկսվել է դեռևս 2021 թվականին՝ Ուիլ Սմիթի ծննդյան տոնակատարության ժամանակ՝ սեպտեմբերի 25-ին։ Այնուհետև, նրա պնդմամբ, Ջադան մի քանի մարդկանց ուղեկցությամբ մոտեցել է իրեն և սկսել է ագրեսիվ վարվել։ Հայցում նշվում է, որ նա սպառնացել է իրեն և պահանջել, որ նա ստորագրի գաղտնիության մասին համաձայնագիր՝ պնդելով, որ «կվերացնեն կամ փամփուշտ կստանա», եթե շարունակի բացահայտել իր անձնական տեղեկությունները։
Հայցվորի խոսքով՝ կոնֆլիկտի երկրորդ փուլը սկսվել է 2022 թվականի «Օսկար»-ի սկանդալից հետո, երբ Ուիլ Սմիթը հարվածել է Քրիս Ռոքին։ Այնուհետև Ջադան, իբր, խնդրել է Սալամի օգնությունը ճգնաժամային կառավարման հարցում՝ ընտանիքի հեղինակությանը հասցված վնասը նվազագույնի հասցնելու համար։ Բիլալը հրաժարվել է՝ բացատրելով, որ չի ցանկանում մասնակցել թաքցնելուն կամ մանիպուլյացիաներին։
Դրանից հետո, ինչպես նա պնդում է, իր դեմ սկսվել է «վրեժխնդրության արշավ», որի սպառնալիքները հնչել են Ջադայի և Ուիլ Սմիթի հետ կապված անձանց կողմից։
Հայցում Սալամը մեղադրում է Փինքեթ Սմիթին դիտավորյալ հուզական տառապանք պատճառելու, սպառնալիքի և կաշառակերության փորձի մեջ։ Նա պահանջում է 3 միլիոն դոլար փոխհատուցում և պաշտոնապես հերքել նրա նախկինում արված ենթադրյալ հայտարարությունները։