Մենք վախենալու բան չունենք որևէ բանից. միասնական աղոթք Ոսկեվազի Սուրբ Հովհաննես եկեղեցում

Մենք վախենալու բան չունենք որևէ բանից. միասնական աղոթք Ոսկեվազի Սուրբ Հովհաննես եկեղեցում

Մենք վախենալու բան չունենք որևէ բանից. միասնական աղոթք Ոսկեվազի Սուրբ Հովհաննես եկեղեցում

Sputnik Արմենիա

Արագածոտնի թեմի քահանաներն ամեն հինգշաբթի հավաքվում են թեմի սրբավայրերից մեկում և աղոթք բարձրացնում առ Աստված։ 04.12.2025, Sputnik Արմենիա

2025-12-04T20:32+0400

2025-12-04T20:32+0400

2025-12-04T20:37+0400

հայաստան

աղոթք

եկեղեցի

ոսկեվազ

տեսանյութ

տեսանյութեր

https://cdn.am.sputniknews.ru/img/07e9/0c/04/96546014_0:0:1920:1080_1920x0_80_0_0_dee93207fd14236f70b50b181d678643.jpg

ԵՐԵՎԱՆ, 4 դեկտեմբերի – Sputnik. Այսօր միասնական աղոթք հնչեց Ոսկեվազի Սուրբ Հովհաննես եկեղեցում։ Աղոթքը կրկին նվիրված էր կալանավորված հոգևորականներին ու մյուս քաղբանտարկյալներին։Եկեղեցու քահանա տեր Զորայր քահանա Կարապետյանը միասնական աղոթքից հետո իր խոսքում անդրադարձավ Մայր աթոռի դիվանապետ Արշակ արքեպիսկոպոս Խաչատրյանի ձերբակալությանը` նշելով, որ այն անհիմն է, ինչպես մյուս սրբազաններինը։«Չենք կարող անտարբեր մնալ, որովհետև մենք ինքներս եկեղեցու նվիրյալ ու սպասավոր ծառա ենք և մենք ինքներս ազգի ու ժողովրդի նվիրյալներն ենք։ Վիշտ է ու ցավ, որ փորձում են ինչ–ինչ ճանապարհներ օգտագործելով մեր միասնությունը խարխլել, բայց ես վստահ եմ առավել քան երբևէ, որ այս միասնական աղոթքները մեզ ավելի կգոտեպնդեն ու կամրապնդեն»,– ասաց քահանան։Նա վստահեցրեց, որ իրենց պայքարն արդար է, իշխանության, պաշտոնի համար չէ, այլ ազատ ծառայության։Քահանան կոչ արեց հավաքվածներին չթուլանալ ու չընկճվել` հիշեցնելով, որ ավելի վատ ժամանակներ են եղել։«Երբ մտովի հետ ենք գնում մոտ հարյուր տարի` 1937–38 թթ, տեսնում ենք, որ այն ժամանակ ևս կային հալածանքներ, կային աքսորներ, բայց ի տարբերություն այսօրվա` այն ժամանակ կային հստակ պատճառներ։ Հստակ։ Որևէ շինծու բանի համար որևէ հոգևորականի չէին աքսորում։ Իսկ այսօր ականատեսն ու վկան ենք, որ պետք չէ պատճառ հոգևորականին ձերբակալելու համար։ Գրեթե այս վիճակին ենք հասել։ Նույնիսկ երբ որ գնում ես ծառայությունդ մատուցելու, կասկածանքով ես գնում, որ միգուցե կգան իմ հետևից»,– ասաց նա։Հոգևորականները հավաքվածներին հորդորեց ոչ մի դեպքում նահանջի քայլ չանել, նեղության առաջ չընկրկել և չմոռանալ, որ յուրաքանչյուր քրիստոնյայի թիկունքին Աստված է ու Հիսուս Քրիստոս։Հաջորդ հինգշաբթի Արագածոտնի թեմում միասնական աղոթք կհնչի Մաստարայի Սուրբ Հովհաննես եկեղեցում։Հիշեցնենք` տևական ժամանակ է` ՀՀ իշխանությունը արշավ է սկսել եկեղեցու ու հատկապես կաթողիկոսի դեմ։ Ճաղերի հետևում են «Սրբազան պայքար» շարժման առաջնորդ Բագրատ արքեպիսկոպոս Գալստանյանը, Շիրակի թեմի առաջնորդ Միքայել արքեպիսկոպոս Աջապահյանը, Արագածոտնի թեմի առաջնորդ Մկրտիչ սրբազանը։

ոսկեվազ