Հայաստանի ազգային հավաքականի, «Արարատ-Արմենիայի» ու «Փյունիկի» նախկին գլխավոր մարզիչ Վարդան Մինասյանը կարող է գլխավորել ղազախական «Կասպին»։
ASnews.kz-ի համաձայն՝ կողմերը բանակցություններ են վարում։ 51-ամյա մասնագետի նշանակման հավանականությունը բարձր է գնահատվում։
Վարդան Մինասյանը Ղազախստանում աշխատելու փորձ ունի։ 2014-2015թթ․ նա գլխավորել է «Տոբոլը», իսկ 2021-ին աշխատել է «Տարազում»։
Այս տարվա մայիսին Վարդան Մինասյանը հեռացել էր «Արարատ-Արմենիայից», որը գլխավորում էր երկրորդ անգամ։
«Կասպին» ավարտված մրցաշրջանում առաջին տեղն է գրավել Ղազախստանի առաջին դիվիզիոնում և հաջորդ տարի խաղալու է ուժեղագույնների լիգայում։